Bangor.
Gŵyl Undod Hijinx yw un o wyliau celfyddydau cynhwysol ac anabledd mwyaf Ewrop ac mae’n dychwelyd i Pontio, Bangor ar ddydd Sadwrn 27 Mehefin.
Ymunwch â ni ar gyfer Gŵyl Undod ym Mangor i brofi celfyddydau cynhwysol ac anabledd o bedwar ban byd, gyda chymysgedd o berfformiadau am ddim, cyhoeddus, stiwdio ac yn yr awyr agored.
- Bydd tanzbar_bremen o’r Almaen yno â’u sioe stryd lawen a hudol FöhnFrisuren
- Dança Sem Fronteiras o Brasil gyda’u Fresta Poética swynol llawn mynegiant.
- Enter the Robots, prosiect cydweithredol Hijinx gyda tanzbar_bremen
- Sioe theatr stryd Y Gwir | Truth gan Ramshacklicious a Hijinx
- Perfformiad grŵp Theatr Pobl Ifanc Gogledd Hijinx
- Perfformiadau amrywiol i ysgolion gan gynnwys Taking Flight gyda’u cyd-gynhyrchiad â Pontio Mae Gen Ti Ddreigiau / You’ve Got Dragons
- Yn ogystal â sioe ddidwyll a gwahanol Daryl and Co – A Square World
Bydd y rhaglen lawn a rhagor o wybodaeth am y sioeau a’r artistiaid ar gael yma ac ar wefan Pontio. Dilynwch @HijinxTheatre ar y cyfryngau cymdeithasol i gael y newyddion diweddaraf fel y bydd yn digwydd.
Yr Amserlen.
Y rhestr o ddigwyddiadau sydd ar agor i’r cyhoedd:
4pm: FöhnFrisuren gan tanzbar_bremen yn y Plaza, Pontio. Hyd 30 munud.
4.45pm: Y Gwir | Truth gan Ramshacklicious a Hijinx yn y Plaza, Pontio. Hyd 30 munud.
5.30pm: Fresta Poética gan Dança Sem Frontieras yn y Plaza, Pontio. Hyd 50 munud. 
Dehongliad BSL gan Sami Dunn.
6.30pm: Enter the Robots gan Hijinx yn y Plaza, Pontio Hyd 30 munud. Dehongliad BSL gan Sami Dunn.
7.30pm: Train Tracks gan Theatr Pobl Ifanc y Gogledd Hijinx yn y Blwch Gwyn, Pontio. Hyd 30 munud. Dehongliad BSL gan Sami Dunn.
Mae Mae Gen Ti Ddreigiau / You’ve Got Dragons ac A Square World yn rhan o’n darpariaeth ar gyfer ysgolion ac nid ydyn nhw ar agor i’r cyhoedd.
Mae disgrifiad sain ar gael ar gais. Bydd y faner i ddynodi Sain Ddisgrifio ar gyfer y perfformiadau theatr stryd yn las gyda logo Gŵyl Undod ac eicon Sain Ddisgrifio arno. Bydd wedi ei osod ar becyn cefn y disgrifwr sain.
FöhnFrisuren.
Gan tanzbar_bremen (yr Almaen). FöhnFrisuren: Theatr stryd hudolus all ymddangos yn rhywle sy’n dwyn y sgrin fawr i strydoedd Bangor. Gan ddefnyddio seiniau o ffilmiau enwog, wedi eu cymysgu â rhythmau llawen, wigiau rhyfeddol a chwythwyr dail, mae tanzbar_bremen yn perfformio, byrfyfyrio a chreu golygfeydd o’r ffilmiau i gyffwrdd y galon, elfennau hedfan anturus, brwydrau tanllyd a phob math o sypreisus!
Fresta Poética.
Gan Dança Sem Fronteiras (Brasil). Yn chwareus a difyr, mae Fresta Poética yn daith sy’n gwneud symudiadau, ystumiau a dawnsiau bach pob corff yn weladwy, a gallu’r corff yng nghyswllt ei amgylchedd. Cefnogwyd y prosiect hwn gan BOLSA FUNARTE DE MOBILIDADE ARTÍSTICA 2023.
Enter the Robots.
Gan Hijinx (Cymru) a tanzbar_bremen. “Helo Bobl. Croeso i’ch dyfodol. Ymlaciwch. Arafwch. Gallwch stopio'r hyn yr ydych yn ei wneud. Nid oes raid i chi weithio bellach. Arhoswch gartref. Rhowch eich traed lan. Mae hyn yn ein dwylo ni. Ni yw’r Robotiaid. Fe wnawn ni ofalu am bopeth o hyn ymlaen.” Yn y dyfodol mae pawb yn cael robot yn anrheg gan eu hawdurdod lleol. Bydd bywyd yn siŵr o fod yn haws!! Beth allai fynd o’i le? Mae Enter the Robots yn sioe theatr stryd chwareus i’r gynulleidfa gymryd rhan ynddi sy’n gofyn, pwy sy’n rheoli go iawn yn oes yr AI? “Petai’r robot yn digwydd camweithredu, sy’n annhebygol, ni fydd eich awdurdod lleol yn cymryd unrhyw gyfrifoldeb.” Ariennir y prosiect hwn gan Cultural Bridge.
Y Gwir | Truth.
Gan Ramshacklicious (Lloegr) a Hijinx. Mae’r chwyldro yn cyrraedd – yn llawn gobaith, yn ffyrnig o ddoniol ac ar ymgyrch i amharu ar y norm. Mae’r gynulleidfa’n ymuno yn y gemau, gan archwilio grym a rheolaeth. Mae ymdeimlad rhyfedd o gyffro’n cyniwair, gan uno’r bobl mewn reiat o gariad llawn llawenydd! Mae Y Gwir – Truth yn alwad ar i ni weithredu. A yw’n bryd i chi gael eich rhyddhau?
Train Tracks.
Gan Theatr Pobl Ifanc y Gogledd Hijinx. Mae'r grwp yma'n dysgu sgiliau amlddisgyblaethol sy'n anelu i gefnogi grymuso positif, sgiliau hanfodol a hynan-hyder cryf mewn oedolion ifanc ar draws Gogledd Cymru.
Mae Gen Ti Ddreigiau.
Gan Taking Flight (Cymru). “Mae dreigiau’n dod yn union pan nad wyt ti’n eu disgwyl. Rwyt ti’n troi rownd, a dyna nhw.” Mae llawer o bobl yn eu cael: breuddwydion cas, bola’n chwyrlio, teimlo’n bigog. A weithiau maen nhw’n gwneud iti deimlo’n unig. Beth all plentyn sy’n cael pwl cas o ddreigiau ei wneud felly? Chwedl hyfryd am daith plentyn at ddygymod â’i ddreigiau, a adroddir yn null unigryw Taking Flight. Mae’r cynhyrchiad sensitif, gweledol wych hwn, gyda’i fiwsig byw gwreiddiol, yn archwilio mewn modd doniol a gwefreiddiol y dreigiau a wynebwn ni i gyd. Gyda diolch i gefnogaeth gan: Cyngor Celfyddydau Cymru, Ymddiriedolaeth Elusennol Colwinston, Gwendoline a Margaret Davies & Tŷ Cerdd.
A Square World.
Gan Daryl & Co (Lloegr). Yn sioe berffaith ar gyfer plant 3-6 oed, mae A Square World yn stori onest, deimladwy a hynod am dri ffrind a sut maen nhw'n addasu eu byd er mwyn iddyn nhw allu parhau i chwarae gyda'i gilydd. Mae’r stori ddi-eiriau hon yn edrych ar yr annhegwch o gael eich gadael allan mewn byd sydd wedi’i gynllunio ar gyfer pawb ond chi eich hun, ac yn defnyddio dylunio syml a thrin gwrthrychau i greu byd llawn dychymyg lle gall unrhyw beth ddigwydd.
