Eye See AI

Prosiect ymchwil yw Eye See Ai, sy’n anelu at gynnig cyfle ar gyfer cyfnewid diwylliannol gan fod cynulleidfaoedd yn cael y cyfle i grwydro Hanoi a Chaerdydd gan ddefnyddio technoleg realiti estynedig. Mae’r ap yn cynnwys chwe pherfformiad byr, tri i’w darganfod ym mhob dinas, wedi eu hysbrydoli gan y nodweddion a ddewiswyd. Mae’r perfformiadau symud a phypedau hyn wedi eu dyfeisio gan hwyluswyr ac actorion Hijinx, ochr yn ochr â phypedwyr a chyfranogwyr Mắt Trần.

Pwy sy’n cymryd rhan? 

Hijinx yw un o gwmnïau cynhwysol mwyaf blaengar Ewrop, sy’n creu celfyddyd eithriadol gydag actorion ag anabledd dysgu a/neu awtistig ar y llwyfan a’r sgrin. Mae’r cwmni sy’n cydweithio o Fietnam Mắt Trần Ensemble yn grŵp o bypedwyr o Fietnam, sy’n dilyn gweledigaeth o gelfyddydau perfformio cynhwysol, gan gysylltu pobl a dwyn celfyddyd yn nes at gymunedau sydd ar y cyrion. Mae Tòhe, menter gymdeithasol sydd â’r genhadaeth o greu meysydd chwarae creadigol i blant dan anfantais, yn cefnogi artistiaid ifanc awtistig i ddysgu a datblygu trwy amrywiaeth o weithgareddau addysgol a chelfyddyd weledol. Mae’r partneriaid technegol VTT, sydd wedi adeiladu’r ap Eye See Ai, yn darparu technoleg realiti estynedig i greu profiadau dilys mewn gofodau cyfarwydd. 

1. Llun yn rhewi, llusgo: Cynnwys AR yn drwm. Gall rhai dyfeisiadau â system brosesu isel arwain at lusgo. Ni ellir ei ddatrys.
2. Dim sŵn: Wedi anghofio datfudo’r ffôn. Sut i’w ddatrys: Datfudwch eich ffôn a throi’r sŵn yn uwch.
3. Methu actifadu’r camera: Ddim yn caniatáu mynediad at y camera a’r recordiad. Sut i’w ddatrys: Dilëwch yr ap yna llwytho i lawr eto. Caniatewch fynediad pan ofynnir i chi.
4. Methu actifadu’r perfformiad yn Stryd Womanby: Sut i’w ddatrys: Sefwch yn agos at y Marciwr symbol EyeSeeAi. Pan gaiff ei adnabod, camwch allan nes gallwch chi weld y ffenestr i gyd.