Llanelli.
Gŵyl Undod Hijinx yw un o wyliau celfyddydau cynhwysol ac anabledd mwyaf Ewrop ac mae’n dychwelyd i Ffwrnes ar ddydd Sadwrn 29 Mehefin.
Bydd yr Ŵyl unwaith eto yn dod â diwrnod mawr yn llawn o’r celfyddydau a theatr cynhwysol ac anabledd gorau o bedwar ban byd gan gynnwys:
- Bydd tanzbar_bremen o’r Almaen yno â’u sioe stryd lawen a hudol FöhnFrisuren
- Dança Sem Fronteiras o Brasil gyda’u Fresta Poética swynol llawn mynegiant
- Enter the Robots, prosiect cydweithredol Hijinx gyda tanzbar_bremen
- Sioe theatr stryd Y Gwir | Truth gan Ramshacklicious a Hijinx
Bydd y rhaglen lawn a rhagor o wybodaeth am y sioeau a’r artistiaid ar gael yma ac ar wefan Ffwrnes. Dilynwch @HijinxTheatre ar y cyfryngau cymdeithasol i gael y newyddion diweddaraf fel y bydd yn digwydd.
Yr Amserlen.
Bydd pob act yn digwydd o flaen Ffwrnes.
11am: Academi Gorllewin Hijinx Hyd 30 munud.
11.30am: Y Gwir | Truth gan Ramshacklicious a Hijinx. Hyd 30 munud.
12.15pm: FöhnFrisuren gan tanzbar_bremen. Hyd 30 munud.
1pm: Fresta Poética gan Danca Sem Frontieras. Hyd 30 munud.
1.45pm: Enter the Robots gan Hijinx. Hyd 30 munud.
2.15pm: Y Gwir | Truth. Hyd 30 munud.
3pm: Föhnfrisuren. Hyd 30 munud.
3.30pm: Enter the Robots. Hyd 30 munud. 
Dehongliad BSL gan Sami Dunn
4.15pm: Fresta Poética. Hyd 50 munud. Dehongliad BSL gan Sami Dunn
Mae disgrifiad sain ar gael ar gais. Bydd y faner i ddynodi Sain Ddisgrifio ar gyfer y perfformiadau theatr stryd yn las gyda logo Gŵyl Undod ac eicon Sain Ddisgrifio arno. Bydd wedi ei osod ar becyn cefn y disgrifwr sain.
FöhnFrisuren.
Gan tanzbar_bremen (yr Almaen). Theatr stryd hudolus all ymddangos yn rhywle sy’n dwyn y sgrin fawr i strydoedd Llanelli. Gan ddefnyddio seiniau o ffilmiau enwog, wedi eu cymysgu â rhythmau llawen, wigiau rhyfeddol a chwythwyr dail, mae tanzbar_bremen yn perfformio, byrfyfyrio a chreu golygfeydd o’r ffilmiau i gyffwrdd y galon, elfennau hedfan anturus, brwydrau tanllyd a phob math o sypreisus!
Fresta Poética.
Gan Dança Sem Fronteiras (Brasil). Yn chwareus a difyr, mae Fresta Poética yn daith sy’n gwneud symudiadau, ystumiau a dawnsiau bach pob corff yn weladwy, a gallu’r corff yng nghyswllt ei amgylchedd. Cefnogwyd y prosiect hwn gan BOLSA FUNARTE DE MOBILIDADE ARTÍSTICA 2023.
Enter the Robots.
Gan Hijinx (Cymru) a tanzbar_bremen. “Helo Bobl. Croeso i’ch dyfodol. Ymlaciwch. Arafwch. Gallwch stopio'r hyn yr ydych yn ei wneud. Nid oes raid i chi weithio bellach. Arhoswch gartref. Rhowch eich traed lan. Mae hyn yn ein dwylo ni. Ni yw’r Robotiaid. Fe wnawn ni ofalu am bopeth o hyn ymlaen.” Yn y dyfodol mae pawb yn cael robot yn anrheg gan eu hawdurdod lleol. Bydd bywyd yn siŵr o fod yn haws!! Beth allai fynd o’i le? Mae Enter the Robots yn sioe theatr stryd chwareus i’r gynulleidfa gymryd rhan ynddi sy’n gofyn, pwy sy’n rheoli go iawn yn oes yr AI? “Petai’r robot yn digwydd camweithredu, sy’n annhebygol, ni fydd eich awdurdod lleol yn cymryd unrhyw gyfrifoldeb.” Ariennir y prosiect hwn gan Cultural Bridge.
Y Gwir | Truth.
Gan Ramshacklicious (Lloegr) a Hijinx. Mae’r chwyldro yn cyrraedd – yn llawn gobaith, yn ffyrnig o ddoniol ac ar ymgyrch i amharu ar y norm. Mae’r gynulleidfa’n ymuno yn y gemau, gan archwilio grym a rheolaeth. Mae ymdeimlad rhyfedd o gyffro’n cyniwair, gan uno’r bobl mewn reiat o gariad llawn llawenydd! Mae Y Gwir – Truth yn alwad ar i ni weithredu. A yw’n bryd i chi gael eich rhyddhau?
