Rhannu Sioe Gerdd (Gwaith ar y Gweill).
Ymunwch â ni i gael gweld sioe gerdd newydd sbon sy’n cael ei datblygu gan brif griw drag ag anabledd dysgu Cymru, House of Deviant, mewn partneriaeth â band mewnol cynhwysol Hijinx, Vaguely Artistic, y crewyr sioeau cerdd Gagglebabble, a Theatr Sherman.
Wedi ei seilio ar brofiadau gwirioneddol yr artistiaid, mae’r darn yn wynebu gwahaniaethu, hunaniaeth a gwytnwch trwy gerddoriaeth, stori ac ymladd yn ôl yn erbyn y trolls.
- * *
Mae House of Deviant yn grŵp drag arloesol i bobl ag anableddau dysgu yng Nghymru, sy’n ymroddedig i feithrin hunan-barch a hunan-effeithiolrwydd ymhlith oedolion ag anableddau dysgu yn Ne Cymru.
Vaguely Artistic yw band pync, roc, pop, soul, blues a ffync cynhwysol mewnol Hijinx, a ffurfiwyd yn 2015.
Mwy o Wybodaeth.
Dyddiad ac amser: Dydd Gwener 3 Gorffennaf, 6pm
Lleoliad: Theatr Seligman, Chapter
Hygyrchedd: Dehongliad Iaith Arwyddion Prydain gan Claire Anderson
Rhybudd cynnwys: Mae’r perfformiad hwn yn cynnwys cyfeiriadau at wahaniaethu, bwlio, sarhau ar-lein a chasineb geiriol
Crabulous!.
Byddwn hefyd yn perfformio ein sioe theatr stryd newydd sbon Crabulous! o flaen Chapter am 5.15pm ar yr un diwrnod (dydd Gwener 3 Gorffennaf).
Meddwl eich bod yn gwybod am grancod? Meddyliwch eto. Mae’r anwyliaid llachar yma wedi codi o wely’r môr i strytio, disgleirio a gwasanaethu. Croeso i CRABULOUS!, sioe Grancaidd newydd Hijinx. Disgwyliwch weld gwisgoedd rhyfeddol, cystadleuaeth ffyrnig, a dathliad llawn llawenydd o fod dros ben llestri heb fod â chywilydd o hynny.
Bydd perfformiad Crabulous! AM DDIM.