Doctor Dolittle's Wild Adventure

Eleni rydym yn rhyddhau ein hochr wyllt.

Gan chwilio am ysbrydoliaeth ym meddyg eiconig Hugh Lofting, yn ogystal â rhai anifeiliaid cyfeillgar cyfarwydd, rwyf wedi anelu i greu sioe sy’n cyfleu harddwch a rhyfeddod natur ochr yn ochr â hwyl a chynhesrwydd Odyssey.

Fel arfer roedd y broses ysgrifennu’n hawdd oherwydd y cyfoeth o syniadau a gyflwynwyd gan y grŵp yn ein sesiynau nos Lun. O bâr o wenyn mêl hipïaidd i’r wiwer a chneuen fawr, nid oedd pen draw ar y creadigrwydd a’r dychymyg a welwyd. Rwyf wedi profi caredigrwydd gwirioneddol a theimlad o berthyn. Ac rwyf wedi chwerthin. O, chwerthin cymaint! Nid oes dim yn rhoi mwy o lawenydd na’r amser a dreulir gyda’r grŵp gwych yma o bobl.

Yn ddiweddar fe welais ddyfyniad gan David Attenborough sy’n disgrifio byd natur fel “pwysig, gwerthfawr, hardd, llawn rhyfeddod, rhyfeddol a phleser.”

Rwy’n meddwl y gellid dweud yr un peth am Odyssey. 

Am antur wyllt yr ydym wedi bod arni!

Wrth i ni fynd yn ôl i Ganolfan y Mileniwm Cymru ychydig wythnosau’n ôl am ymarferion dwys, fe wnaethom sylweddoli, i rai o’r cast, mae wedi bod yn 3 blynedd ers iddyn nhw berfformio ar lwyfan Stiwdio Weston ddiwethaf. Yn ystod y cyfnod hwnnw, mae’r byd wedi profi colled, trawma a helyntion sylweddol. Mae hawliau dynol yn dal i gael eu herio a’r ddaear yn cael ei rheibio ar gyfer masnacheiddiwch.

Felly, pan ddaeth yn bryd i weithio ar sioe Odyssey 2022, roeddem yn gwybod ein bod angen dipyn o hwyl. Roedd arnom angen chwerthin, gwiriondeb, llawenydd a theimlo cysylltiad. A dyna beth ydych chi’n ei gael. Gwiriondeb llwyr! Rydym wrth ein bodd ac rydym wedi teimlo effaith  chwerthin gyda’n gilydd eto. Ac rydym yn gobeithio, pan fyddwch yn gadael, y byddwch yn teimlo mor hapus ag yr oeddem ni’n creu.  23 mlynedd yn ôl, heuwyd hedyn Odyssey, a heddiw mae’r gwreiddiau’n rhedeg yn ddwfn, air canghennau’n eang a phell, gan ein cysylltu ni i gyd mewn lle diogel a hudol.

O, ac un peth arall… Nutty, Nutty, Nutty, Nutty, Nutty, Nutty, Nutty Jake! 

Mae Telemachus yn gyffrous iawn o fod yn ôl ar y llwyfan gydag Odyssey eleni ar gyfer Doctor Dolittle’s Wild Adventure! Rydym wedi bod yn gweithio ar greu ein sioe ragarweiniol, i brotestio yn erbyn y Stanley Stubbins drwg sy’n cynllunio i adeiladu gwesty yng nghanol y fforest. Ymunwch â ni yn ein caneuon; a ydych yn un sy’n caru natur sydd eisiau achub cartrefi’r anifeiliaid, neu fedrwch chi ddim dweud na wrth goctel Piña Colada? Rydym hefyd wedi bod yn gweithio gyda myfyrwyr Celfyddydau Creadigol a Therapiwtig Prifysgol De Cymru i ddylunio pypedau pryfed ac adar rhyfeddol, y mae’r myfyrwyr wedi rhoi bywyd iddynt – cadwch lygad amdanynt yn y sioe. Diolch Brifysgol De Cymru! Yn ddiweddar rwyf wedi dod yn Gyfarwyddwr Telemachus ac mae wedi bod yn fraint gweithio gyda chriw mor rhyfeddol o bobl ifanc, sydd mor angerddol am yr hyn y maent yn ei wneud. Mae ymuno â Thîm Telem wedi bod yn bleser llwyr; mae wedi bod yn freuddwyd cael dod i’w hadnabod. Rydym ni gyd wedi cael cymaint o hwyl yn gweithio tuag at y cynhyrchiad yma, gobeithio y byddwch yn mwynhau’r sioe!

Mae ein hymgyrch godi arian a’n dathliad o bopeth am Pawb yn ôl eto eleni. Cadwch lygad ar ein sianeli cyfryngau cymdeithasol am lwyth o gynnwys cyffrous o’n grwpiau PAWB yn y cyfnod cyn y Nadolig. Rydym yn gobeithio taro ein targed o £1,200 ar gyfer yr ymgyrch godi arian!  Eleni, rydym yn gobeithio codi £1,200  – ac mae arnom angen eich help.  Mae PAWB yn cynnig cyfleoedd creadigol i unrhyw un sydd am berfformio, beth bynnag yw ei brofiad neu allu. Bob wythnos byddwn yn rhedeg 5 grŵp: Odyssey, Telemachus, Theatr Pobl Ifanc y Gogledd, Sylfeini Drama 1 a 2, a Vaguely Artistic, ein band mewnol. Mae’r grwpiau hyn yn rhoi llawer o lawenydd a chefnogaeth i’w cyfranogwyr, ac yn ffynnu diolch i grantiau a rhoddion gan ein cefnogwyr hael.

Anfonwch neges testun PAWB gyda swm eich rhodd (e.e. i roi £3 anfonwch PAWB3) at 70490 i roi’r swm hwnnw. Bydd negeseuon testun yn costio swm y rhodd ac un neges safonol ar y rhwydwaith.

Unwaith eto, rydym yn falch iawn o gael cydweithio â myfyrwyr blwyddyn un Celfyddydau Creadigol a Therapiwtig, Prifysgol De Cymru. Maen nhw’n archwilio hwyluso a chreu celfyddydau ochr yn ochr â chyfranogwyr PAWB, gan gynnwys creu ein pryfetach iasol ac adar trofannol.