Hyfforddiant Hwylusydd Creadigol.
Mae Hwylusydd Creadigol yn ei gwneud yn bosibl i artistiaid Byddar/Dall/anabl a/neu niwrowahanol i gyflawni eu hymarfer creadigol proffesiynol. Gallai hyn fod yn glyweliad, ar set ffilmiau neu daith theatr.
Rôl Hwylusydd Creadigol yw gwella ymarfer actor ar unrhyw swydd benodol fel y gallant gynhyrchu eu gwaith gorau tra’n cynnal iechyd corfforol a meddyliol da. Mae natur y swydd yn aml yn amrywiol a gall newid ar sail achos-wrth-achos yn dibynnu ar yr artist unigol a hefyd y gwaith.
Mae Hwylusydd Creadigol angen gwybodaeth briffio ymlaen llaw fel y gallant gynllunio sut byddant yn galluogi ymarfer creadigol artist. Gallant hefyd fod yn gwybod am ffactorau eraill tebyg i wybodaeth feddygol y bydd yr artist yn ei rhannu gyda’r Hwylusydd Creadigol ond heb ei hystyried yn berthnasol i’w rhannu ar eu dogfen mynediad neu’n eang yn y cynhyrchiad.
Enghreifftiau o Ddyletswyddau a Chyfrifoldebau y gellid eu disgwyl gan Hwylusydd Creadigol.
Fel y nodwyd, mae’r rhain yn amrywio ac felly nid yw’r rhestr hon yn gynhwysfawr.
• Sicrhau y caiff yr actor amser, gofod a pharch i gynhyrchu eu gwaith gorau.
• Eirioli dros gyflawni gofynion mynediad fel y nodir yn y Ddogfen Mynediad.
• Hwyluso cyfathrebu rhwng gweddill y cast a’r criw a’r actor.
• Cynorthwyo’r actor i wybod beth fydd yn digwydd nesaf a gwneud yn siŵr eu bod yn gwybod am amserlenni ac unrhyw newidiadau mewn amserlen.
• Cefnogi’r sector i wneud dewisiadau diet fydd yn eu galluogi i weithio ar eu gorau yn gorfforol a meddyliol, lle’n briodol.
• Cefnogi’r actor gyda’u hegni ac eirioli dros seibiant os oes angen.
• Gwneud nodiadau perthnasol a chynorthwyo gyda rhedeg llinell (neu gyfwerth) yn ystod cyfnodau segur os oes angen.
• Sicrhau fod yr actor yn gwybod beth a ddisgwylir mewn lleoliad proffesiynol a chefnogi dealltwriaeth o arwyddion cymdeithasol anysgrifenedig ac arferion proffesiynol.
• Rhoi cymorth tu allan i’r cynhyrchiad ei hun, h.y. teithio, yn ystod amserau seibiant ac yn y llety, lle darperir.
Nodyn ar Gydlynwyr Mynediad:
Mae’r swydd yn wahanol i swydd Cydlynydd Mynediad. Bydd Cydlynydd Mynediad yn goruchwylio mynediad ar gyfer yr holl gast a chriw. Mae’r Galluogydd Creadigol yno i wasanaethu’r talent, dim y cynhyrchiad. Maent yn ymwybodol iawn o ofynion mynediad yr artist unigol a byddant yn cydlynu gyda’r Cydlynydd Mynediad a’r cynhyrchiad i eirioli dros eu cyflawni. Os yw’r cynhyrchiad yn dyrannu tasgau y mae’r Galluogydd Creadigol yn teimlo sy’n cyfyngu ar eu gallu i gefnogi’r artist(iaid), gallant wrthod hynny. Yn y achos hwn, dylid cynnwys y Galluogydd Mynediad yn y drafodaeth am y ffordd orau i symud ymlaen.
Yn yr ystafell gyda Hwylusydd Creadigol:
Pan fydd yr hygyrchedd cywir yn ei le gall ymddangos nad yw Hwylusydd Creadigol yn gwneud llawer, fe allech chi hyd yn oed amau a oes angen un. Ond, maen nhw’n ymwybodol o’r actor trwy’r amser; ei stamina, ysgogwyr, gofynion hygyrchedd a’u dealltwriaeth o’r hyn sy’n digwydd yn yr ystafell.
Fe allant roi cymorth ymarferol neu emosiynol allan o’r golwg, fel clymu careiau esgidiau neu roi cymorth emosiynol. Fe all ofyn am seibiant neu i ffenestr gael ei hagor neu unrhyw beth arall sydd ar yr actorion ei angen ond nad ydynt yn gallu eu gwneud neu eu mynegi eu hunain.
Os hoffech ddysgu rhagor am ddod yn Hwylusydd Creadigol neu weithio gydag un cysylltwch ag Arweinydd Hygyrchedd Hijinx Sami Dunn: sami.dunn@hijinx.org.uk
;)
Roedd cael galluogydd creadigol gyda ni ar ein diwrnod ffilmio yn werthfawr tu hwnt…Roedd y broses yn naturiol a chydweithiol – hollol wych!
OnPar Productions
Fe wnaeth y Galluogwyr hwyluso amgylchedd tawel a hamddenol ar y set lle roedd y talent a’r tîm cynhyrchu yn teimlo’n ddiogel a chysurus gyda’i gilydd ac roedd y diwrnod yn anhygoel o llyfn fel canlyniad.
Unquiet Media